bed ~ بد
Kamus-ı Osmani - bed ~ بد maddesi. Sayfa: 106 - Sira: 3
bed - بد
[ف] فنا ، چركين ، كوتو ، یاراماز . [نيك وبد] = ایی وكوتو ، فائده وضرر . (بدتر) =اك كوتو ، پك فنا ديمكدر . بو لفظ ايله صفات ذميمه‌ده بر چوق وصف تركيبی تشكيل اولونوركه بر قسمی بروجه آتی كوسترلمشدر . [بدكمان] = فنا شبهه‌ده بولونان ، سؤ ظن صاحبی [بدكمانی] = سؤ ظنده بولونمق ، فنا شبهه ايدش. [بدبخت] = طالعی فنا ، قسمتسز ، قدری بوزوق . [بدكو - ی ] فنا سویله‌ین ، [بد كویی] = فنا سویله‌ییجيلك ، [بدكوهر ، بدكهر ] = صویسز ، [بدلقا] = یوزی چزكين ، [بد
منش] = كوتو خویلی ، [بد انديش ] =فنا دوشونن ، فنالق ايسته‌ین ، [بد اصل ] = صویی آلچاق اولان [بدخوی] = كوتو خویلی ، خویسز . [بدنام ] = اسمی كوتولكله یادایديلن ، آدی كوتولكله مشهور ، رذيل ، رسوای عالم اولان . [بدسرشست ، بدنهاد ، بدنژاد . بد طينت ] = یارا ديليشی ، خلقتی ، طبيعتی فنا اولان ،صویی بوزوق بایاغی آدم [بدخصال] = خصلتلری ، خویلری كوتو . [بد خواه] = فنالق ايسته‌ین . [بد‌خواهانه = فنالق ، كوتولك ايسته‌ینه یاقيشه‌جق صورتده . [بدزبان] = ديلی فنا ، تربیه‌سز ، كفرباز ، آغزی بوزوق . [بدزهره] = یوركسز، قورقاق . [بد مهر] = مروتسز ، عنایتسز . [بدركك] خویسز ، طماری بوزوق ، كوتو . [بد سكال] = هركسك علیهنده سؤ ظانده بولنان . [بدفرخام] = عاقبتی فنا : "سمتكار بد فرجام " [بدكار ، بد فعال ] = ايشی فنا ، ايشلری كوتو . [بد پسند ] = كوتویی بكنن ، جاهل . [بد بو] = فنا قوقولی . [بد بين] = هر شیئی فنا كورن . [بد بينانه] =
هيچ بر شیئی بكنمه‌ین ، هر شیئی فنا كورن آدمه یاقيشه‌جق صورتده . [بد آیین ] = عادتی ، اصولی كوتو . [بد اختر] = بدبخت ، طالعسز . [بد آواز] = [بد آواز ] = فنا سسلی . [بد آغاز ] = فرومایه ، صویو آلچاق . بددل] = یوركسز ، قورقاق . [بد اندام ] = بيچمسز ، چارپيق ، قنور [بد چشم ] فنا كوزلو ؛ نظری دكن . [بددعا ] = انكسار ؛ الله محو ايتسون ، الله قهر ايتسون دیه متأثرانه سویله‌نيلن سوزلر . [بدمعامله] = آداب وتربیه ايله قابل توفيق اولمه‌یه‌جق صورتده قبا وكوتو حاللر ، حركتلر . [بدمست] = سرخوشلغی كوتو ، فنا سرخوش [بدلكام ] = كم طوتماز ، باشی سرد آت عاصی وسركش ، بدوی كيمسه‌یه‌ده اطلاق اولونور . [بدكيش] = مذهبسز ، یولی فنا ، طوتوجی بوزوق آدم ديمكدر : [رابطهٔ سعی وكوشش كشا‌كش بازوی ردو قبول ايله شكسته ومقراض تعريض بدكيش وكزلك تهديد بيكانه وخویش ايله كسسته اولمامق ايچون - شفيقنامه] "ینه اول شوخ جفا بزی بدخواه بيلور" (روحی) "آهو كبی خوش خرام وبدخو" "هيچ كيمسه‌یه ايله‌مز تكاپو" (شيخ غالب)
"جن نوعی هزار بدلقالر" "جادو قيلغنده اژدهالر" (شيخ غالب) "بدمایه اولان آݣلاشيلور مجلس ميده" "عشرت كهر آدمی تميزه محكدر" (لا) "بن اول بدعهده رعما بروفادار ايلدم پیدا" "دل آلدردمسه ای دل بویله دلدار ايلدم پيدا" (خاقانی) "یعنی سيف غازیان آچدی اوید اوضاعه ريش" (سروری) "پاك ايدی صدق وصفا آیینه سيدی سيرتم" "رونما اولماز‌دی آنده بدسكالك صورتی " (نورس) "دينمز واصف نالنده كبی زار اوله‌سين" "بدد عا‌ايله مزم صاغ اوله‌سين واراوله‌سين" (واصف) "یازيق سݣا كيم ايليه‌سݣ حرص وطمعدن" "بر حبه ايچون كندوݣی عالملره بدنام" (روحی) "اندرونی واصف " مرحومك بیتنده كورلديكی كبی الیوم [دیمزم] و [ايله مزم] كبی تعبيرلر كبی تعبيرلر لسان ادبه لایق كورلمیور.
Kamus-u Osmani bed maddesi. osmanlıcada bed ne demek, bed anlamı manası, bed osmanlıca nasıl yazılır. Osmanlıca sözlükte bed hakkında bilgi. Arapça bed ne demek. Arapça osmanlıca sözlük. Farsçada bed anlamı
Kamus-i Osmani - بد bed ne demek. osmanlıca yazılışı anlamı manası..
bed ~ بد güncel sözlüklerde anlamı:
BED ::: f. Fenâ. Kötü. Çirkin. Yaramaz. şer. şeni'.
bed ::: (a. i.) : başlama, başlayış.
"); büd ::: (f. s.) : 1) sahip. 2) i. maşa. (bkz. : büde2.
bed ::: kötü, çirkin.
Bed :::
- Kötü, çirkin, tuhaf.
bed ::: kötü , çirkin
bed ::: kötü
bed ::: (a. i.) başlama, başlayış.
büd ::: (f. s.) 1) sahip. 2) i. maşa. (bkz. : büde2.
bed ::: çirkin, kötü, tuhaf
BED :::