tersane ~ ترسانه
Kamus-ı Osmani - tersane ~ ترسانه maddesi. Sayfa: 70 - Sira: 1
tersane - ترسانه
[ء] بو لفظ محرفدر . سفن حربیه وسفائن سائره‌نك انشاسنه وآلات ولوازم بحریه‌نك اعمالنه وعساك بحریه‌نك ترتيب وتعليمنه والحاصل كافهٔ امور ترتيب وتعليمنه والحاصل كافهٔ امور بحریه‌نك رؤیت واجرسنه مخصوص محل ديمكدر . بو لفظك اصلی وصورت تحريفی حقنده‌كی روایت مختلفه‌نك فذلكهٔ تدقيقاتی اوله‌رق (مكتب فنون بحریه) معلملرندن بوز باشی (محمد شكری) افندينك [اسفار بحریهٔ عثمانیه ] عنوانيله تحریر ونشر ايتمش اولديغی اثر نفيسك ١٤٨ نجی صحیفه‌سنده مندرج اولان فقره‌نك عينا بورایه نقل بدرجی مناسب كورلمشدر . "السنهٔ اجنبیه‌دن آلنوب ده خلقمز بيننده دخی استعمالی شیوع بولمش اولان - ترسانه ، آميرال ، قپودان ، لوند كبی علم اوله‌رق قوللانيلان لغتلرك هانكی لسانلردن ونه وجه ايله آلنمش اولدقلری كيفيتی محررين عثمانیه‌دن بعضيلری طرفندن موقع بحث وتدقيقه چكلمش وهربريسی بروجه ايله بیان مطالعه ايله‌مشدر . ازجمله (رفعت افندی) "لغات تاريخیه وجغرافیا " سنده (ترسانه ) لفظی (ترساخانه) دن محرف اولوب بعد الفتح شمديكی ترسانهٔ عامره‌نك موقعنده اسرای حربیه‌نك توقيفلری ايچون "ترساخانه" اسميله انشا قلنمش بر محلك بولنمسندن ايلری‌یه كلديكی وبوتعبيرك "دار الصناعه " لفظندن تحریف ايدلمه‌مش اولديغی
وتقویه دعوی ايچون عربلرده "مرسی" لغتی وار ايكن "دار الصناعه" تعبيرينی قوللانمغه احتایاجلری اولمیه‌جغی بیان ايدلمكده ايسه‌ده تحقيقات مخصوصه عاجزانه‌مزه نظرا (ترسانه) لفظی "ترساخانه" دن محرف اولمیوب اسپانیول لساننده اسلحه وادوات حربیه‌نك اعمال ومحافظه‌سنه مخصوص بردائرهٔ عمومیه معناسنی متضمن اولان [دارسينا ] لفظندن محرف اولديغی شوايكی صورتك هم معنا هم‌ده شكلا یكديكرينه غایت مشابه اولملريله مثبتدر . "دارسينا" لفظنك ايسه (دار الصناعه) دن تحریف ايدلمش اولديغی شبهه ايديله‌میه‌جك درجه‌لرده‌كی مشابهتلريله ثابتدر . مع مافيه ليمان بولنان محلده ترسانه بولنه‌میه‌جغنه نظرا (مرسی) لغتنك دلالت ايتديكی معنا ايله (دار الصناعه) تعبيرينك مدلولی بولنان معنانك هيچ بروجه ايله توفيق قبول ايتمز درجه‌لرده فرقلی اولديغی لغات جغرافیا صاحبی طرفندن دخی تصديق ايديلير ظننده‌یز . تأیید مدعا ايچون شونی دخی عرض ايده‌لم كه علم الالسنه علماسندن مدقق مشهور انكليز [وه بستر ] تأليف ايتمش اولديغی منحصر "ديكسیونر" ك یكرمی طقوزنجی صحیفه‌سنك برنجی ستونی نهایتلرنده "حاوس اوف ايندا ستری " یعنی (دار الصناعه) تعبيرينك عینا
معناسنی مفيد اولان (دارسينا) لغتنی اسپانیوللرك عربلردن آلمش اولدقلرينی افاده ايله‌مكده اولوب پورتكيز ، ايتالیان ، فرانسز ، انكليز كبی ترقیات بحریه‌لريله تاريخجه مهم موقعلر قازانمش اولان اوروپا ملل مشهوره‌سنك ده تعبير مذكوری - پوپخانه ، جبه‌خانه ، سلاحخانه ، ترسانه -معنالرينی تضمن ايتمك اوزره جزئی وكلی تحريفات ايله ايتمك اوزره جزئی وكلی تحريفات ايله لسانلرينه بالقبول استعمال ايله‌مكده اولدقلرينی سویله‌مكده‌در . ازجمله انكليز وفرانسزلر "آرسينال " وايتالیانلر "آرسينالی" صورتلرنده تحریف ايله قوللانمقده درلركه بو قبيلدن اوله‌رق عثمانليلر دخی اسپانیوللرك ذاتا محرف اولان استعماللرينی برقات دها تهریف ايله "ترسانه" صورتنده قوللانه كلمشلردر . حاصل كلام تعبير مذكورك (دارالصناعه) دن غلط اولديغی مرتبهٔ وثوق وبداهتده‌در . [ترسانه عامره] = غلط معروفدر . "مجدد حوضلر ، ابنارلر ، آلات یاپدردی" "بتون ترسانه‌نك اكمال اولندی نهیسه نقصانی" (ذيل راشد)
Kamus-u Osmani tersane maddesi. osmanlıcada tersane ne demek, tersane anlamı manası, tersane osmanlıca nasıl yazılır. Osmanlıca sözlükte tersane hakkında bilgi. Arapça tersane ne demek. Arapça osmanlıca sözlük. Farsçada tersane anlamı
Kamus-i Osmani - ترسانه tersane ne demek. osmanlıca yazılışı anlamı manası..
tersane ~ ترسانه güncel sözlüklerde anlamı:
TERSANE ::: f. Gemi yapılan ve tamir edilen yer.
tersâne ::: gemi yapılan yer.
tersâne ::: gemi yapılan yer , gemi yapılan ve tamir edilen yer
tersane ::: tezgâh
TERSANE :::