bab,baben ~ باب، بابا
Kamus-ı Osmani - bab,baben ~ باب، بابا maddesi. Sayfa: 49 - Sira: 3
bab,baben - باب، بابا
[ف] لایق ، سزا ، بجا، دكلرلی اولاد ، چوچق صاحبی اولان اركك ، پدر كبی . جد ، دده معناسنه كلير‌كه تركجه‌ده [آغابابا] دينيلير: [بكتاشی باباسی] =حاجی بكتاش ولی قدس سره حضرتلرينك طريقهٔ مخصوصه‌سی سالكينندن پوست نشين اولان ، شيخ بولونان ذات . [بابا یكيت] ايركن ، یتيشمش ، كوجلی قوتلی كنج . [بابالق] آخرت پدری ، قائم پدر ، اوكی پدر، قوجه ، یاشلی. [بابا هندی] سنه‌لنمش بسيلی ، یاغلی
اركك هندی ە [طربزان باباسی ] = مردیون پارمقلقلر ینك تپه‌لرنده‌كی طوبوز ؛ اصطلاح عوامده اولادينه رحمی ، یارديمی اولمایان خيرسز پدر ديمكدر . [اوكسزلر بابسی ] = فقرایه ، یتيملره مرحمت ، معاونت ايدن آدم. [بابا اوجاغی] = پدردن ، صوی صوپدن قالمه خانه ، یورد ، او. [باللی بابا] = صاری چيچكلی ، یاپراقلری یاپيشقان بر نوع اوتدركه علاج اوله‌رق ققوللانيلير. [آق بابا] = سیوری غاغالی قيرمزی آیاقلی بر نوع بیوجك قوش . [آق بابا هواده یومورطه‌سی تاواده] ارجوزهٔ تركانه‌سی معروفدر. وقارلی ، تمكينلی ، محترم ، پيشكين ، كوركولو : [بابا آدم ، "باباجه] ، [سنا هيپسندن كنج ايسه‌ده اطواری بابایانه ، كفتاری پيرانه اولديغندن امر ونهیی در حال قبول واجرا اولونوردی ] ، [نقض كلبهٔ وجودلريله تعمير كاشانهٔ روحانيت بابی عتيق ايدوب - شفيقنامه] "باب" زنجی قادينلره مخصوص اولان وبعضا جدی ، بعضا جعلی آثآری كوريلن بر نوع صرعه علتی: [بابالی عرب ، "بابا طوتمق"= مصروع اولوب آغز كوپورمك ، چارپلمق ؛ باییلوب طوݣمق ، آزغينلق، دليك كوسترمك [بابا فينغو] = كميجی اصطلانندندر. یالݣز قوللانيلماز.
چوبوق ، سرن ، یلكن لفظلريله برلكده استعمال اولونور. كمی ديركلرينك منقسم اولدقلری اوچ‌بارچه‌دن اك اوستده‌كی ستونه (بابا‌فينغوچوبوغی) وبو چوبوغك اوزرنده افقی بولنديريلان یلكسن سرننه (بابا فينغو سرنی) وبو سرنه آچيلان یلكنه‌ده (بابا فينغو یلكنی ) دينيلير. بو لفظك ايتالیانجه‌دن مأخوذ اولديغی مرویدر. فارسيده [باب ، پاپ] پدر كبی بابا و[مام] دخی مادر كبی آنا ديمكدر. [بابا] نك آصلی "زندوبازند" لغاتندن اولوب پای فارسی ايله‌دركه السنهٔ اجنبیه‌ده قوللانيلان (پاپ، پاپا ) نك شكل ومعناجه عینی ديمكدر. "ارضا ايده‌لر بابالرينی " "بویله ايده‌لر دعالرينی" (شيخ غالب) "باشدن باشه دنیایی طولاشسهݣ بوله‌مازسݣ" "بر عارف خوش صحبت وبابای زمانه" (نفعی) "كيمسه اينچنمدی وضعندن آنك ذره قدر" "بسله‌دی بونجه زمان عالمی بابی عدم" (عاكف پاشا) "شعری بازيچهٔ طفلانه ايدن اشخاصك" "كيميسی سوز ابه‌سيدر كيمی بابای سخن" (وهبی) "بابای شفيق پير خوشدم" "تاريخ كهن سرای عالم" (ساقی نامه - ظهوری)
Kamus-u Osmani bab,baben maddesi. osmanlıcada bab,baben ne demek, bab,baben anlamı manası, bab,baben osmanlıca nasıl yazılır. Osmanlıca sözlükte bab,baben hakkında bilgi. Arapça bab,baben ne demek. Arapça osmanlıca sözlük. Farsçada bab,baben anlamı
Kamus-i Osmani - باب، بابا bab,baben ne demek. osmanlıca yazılışı anlamı manası..