pedrik ~ پطريق
Kamus-ı Osmani - pedrik ~ پطريق maddesi. Sayfa: 328 - Sira: 7
pedrik - پطريق
[رومجه‌دن] اصلی [پتری آرخ ] در . یونانيجه (پاتير) دن مشتق اولان [پاتری پاتريعه ] قوم ، قبيله معناسنه‌در
[آرخو یاخود -آرخيوس ] ده (حكم ايده‌رم) ديمكدر . لاتينجه [پاته‌ر] بابا ديمك اولوب [پاتريچيئوس ] ده معروف النسل ، اصيل ، كيشی زاده كبی بر معنایی افاده ايدركه روما دولت قديمه‌سنك هیئت اعیانی بونلردن مركب ايدی . لاتين لساننده‌كی (ث) و(چ) حرفلری یونانيده (ك) حرفنه تبديل وتحريف ايديلديكندن بو لفظ لسان یونانی‌یه عين معناده اوله‌رق [پاتريكيئوس] طرزنده انتقال ايتمش و(پاترييارخ) تركيبی‌ده بوندن تولد ايله‌مش اولديغی تحقيقات واقعه‌دن مستبان اولمشدر . عربلر بو لفظ یونانی‌یی (بطربق) دیه تعريب ايدوب (بطارقه) طرزنده جمعلندرمشلردر . الیوم بو لفظك معنای معتبری "امر ايديجی ، امر ايدن بابا" دركه اصطلاحده خرستیانلرجه آمر روحانی‌یه ، ریٔس روحانی‌یه عنوان رسمی اولمشدر . [پطريقخانه] = پطريقلك كرسیروحانيسنك مقام رسميسی ، دائرهٔ مخصوصه‌سی . [روم پطريقی] = اورتودوقس مذهبنه‌سالك وتابع اولان كافه خرستیانلرك اك بیوك ريئس روحانيلری اولوب استانبولده فنارده‌كی دائرهٔ روحانیه‌سنده اقامت ايدر . [ارمنی پطريقی] = ارمنی مذهبنك اك بیوك رئس روحانيسی قافقاسیاده (آچمیازین) دينيلن محلده
اقامت ايدر . بو‌راده‌كی پطريق استانبول باش پسقوپوسی ديمك اولوب ممالك عثمانیه‌ده‌كی كليسالرك آمر رسمی روحانيسيدر . [قاتوليك پطريقی ] = مذهبجه روماكلیساسنه تابع اولان ارمنی جماعتنك رئس روحانيسی ديمكدر . بونلردن باشقه دولتجه قبول ايدلمش دها برقاچ پطریقلك موجوددر. مثلا [انطاكیه پطريقی ، قدس پطريقی ، اسكندریه پطریقی ] كبی .
Kamus-u Osmani pedrik maddesi. osmanlıcada pedrik ne demek, pedrik anlamı manası, pedrik osmanlıca nasıl yazılır. Osmanlıca sözlükte pedrik hakkında bilgi. Arapça pedrik ne demek. Arapça osmanlıca sözlük. Farsçada pedrik anlamı
Kamus-i Osmani - پطريق pedrik ne demek. osmanlıca yazılışı anlamı manası..